“ट्रॅक्टर एन्ट्री, प्री-वेडिंग शूट आणि शेतकरी समाजाचं वास्तव”

आजच्या लग्नसोहळ्यांनी पारंपरिक रितीरिवाजांपलीकडे जाऊन एक वेगळाच ट्रेंड पकडला आहे.
प्री-वेडिंग शूट, सेलिब्रिटी-स्टाइल एन्ट्री, व्हायरल व्हिडिओ यामुळे विवाहसोहळा म्हणजे एक “शो” बनला आहे.
ग्रामीण भागातही ट्रॅक्टर, घोडागाडी किंवा अनोख्या स्टंटसह केलेली नवरा-नवरीची एन्ट्री ही प्रतिष्ठेची बाब मानली जाऊ लागली आहे.
पण या दिखाऊपणामागे खऱ्या समाजाचं, शेतकऱ्यांच्या अडचणींचं, मध्यमवर्गीय कुटुंबांच्या संघर्षाचं वास्तव लपून जातं का?
हा लेख त्या विरोधाभासावर प्रकाश टाकतो.

पारंपरिक लग्नसोहळ्याचं सांस्कृतिक महत्त्व

लग्न ही एक पारंपरिक, श्रद्धेची, सांस्कृतिक घटना असावी. सहजीवनाचं नातं या तून घट्ट होतं असतं. त्यानिमित्ताने गावाच्या सीमेनबाहेर असलेल्या आमच्या रक्षणकर्त्या खऱ्या खुऱ्या ग्रामदेवताचं स्मरण या निमित्ताने केलं जातं.
पण शहरातून आलेल्या बँडबाजात, सजावटीत आणि बर्फाच्या गोळ्यांत आमच्या या दैवताचा आम्हालाच कुठेतरी विसर पडतो आहे, याचा अनुभव आजकाल प्रत्येक पारंपारिक व सांस्कृतिक कार्यक्रमातून येतो. आणि मला मग आश्चर्य वाटतं — वेशीतल्या मारोतीचं मूळ गावातच नव्हे, तर मांडवापर्यंत कसं आलं? खरं तर वेशीतल्या मारोतीचं मांडवात येणं हे त्या परंपरेच्या गमतीशीर “विस्कळीतपणाचं” प्रतीक आहे.

आधुनिक लग्नसोहळ्यातील नवे ट्रेंड

सध्याच्या स्थितीमध्ये अनेक अनावश्यक गोष्टीतून लग्नाच्या निमित्ताने सामाजिक वास्तवाचं विसंगत प्रतिबिंब दिसून येतं आहे. लग्न हा एक ट्रेंड बनलाय, फॉलो केला नाही तर आपण खूप “मागासलेले” आहोत असा समज होतो आहे.
लग्नाच्या भरल्या मांडवात स्क्रीनवर प्री-वेडिंगचा गाला वरील मुका नकळत ओठावर जातो. तेव्हा यातून सामाजिक सभ्यतेच्या नेमक्या कुठल्या जाणीवा समृद्ध होतात? हल्ली असा प्रश्न कोणालाच पडत नाही.

याच मानसिकतेतून पारंपरिक विवाहसोहळ्याला काहीतरी ‘व्हायरल’ स्वरूप द्यायचं आणि त्या माध्यमातून चर्चेत यायचं, हेच जणू आजच्या ग्रामीण भागातही प्रतिष्ठेचं साधन झालं आहे. काल-परवा अशीच एक नवरा-नवरीची चर्चा सोशल मीडियावर व्हायरल झाली. लग्नाच्या मांडवात नवरदेव-नवरी ट्रॅक्टरात बसून एन्ट्री करत होते. कोरोना काळातही काही प्रसिद्धीपिसाटांनी अशीच सोंग उभी केली होती.

ट्रॅक्टर एन्ट्री – संस्कृती की दिखावा?

एकीकडे शेतकरी आणि मध्यमवर्गीय कुटुंबात तरुण मुलांची लग्न जुळत नाहीत. जुळली तर ती टिकत नाहीत.
लग्नाच्या मांडवातून ट्रॅक्टर चालवणे, यातून शेती आणि मातीशी खरंच नाळ जोडली जात असेल तर यातून आपली आर्थिक ताकद आणि संस्कृती दाखवायला कुणाचीच हरकत नसावी. किंबहुना ती एक भावनिक अभिव्यक्ती ठरू शकते.

पण जर ट्रॅक्टरवरून एन्ट्री फक्त प्रसिद्धीसाठी, व्हायरल होण्यासाठी केली जात असेल, तर ती खरोखरच उपहासास्पद गोष्ट आहे.
शेतकऱ्याचं खरं जीवन हे ट्रॅक्टर चालवणं आहे, पण ते मंडपात नव्हे तर शेतात असावं लागतं!

यावर आमचा सविस्तर व्हिडिओ नक्की बघा” →

शेतकऱ्यांचं वास्तव आणि संघर्ष

अशा गोष्टींच्या माध्यमातून शेतकरीवर्गाच्या वास्तविक अडचणी झाकोळल्या जातात.
“ट्रॅक्टरवर एन्ट्री” झाल्याच्या बातम्या वाचून समाजाला वाटतं की शेतकरी फारच बड्या थाटामाटात जगत आहेत.
पण पुढच्या हंगामासाठी खत विकत घेण्यासाठी उधार मागणारी सावली मात्र कोणी पाहात नाही.

यामुळे सरकारलाही चुकीचा संदेश जातो की शेतकरी वर्ग फार श्रीमंत आहे. मग त्यांना कर्जमाफी, योजना किंवा सवलतींची गरज नाही असं वाटू शकतं.

समाजासाठी शिकण्यासारखं काय?

ट्रॅक्टरवरची एंट्री करताना कॅमेऱ्यासाठी हसणाऱ्या चेहऱ्यांमागचं खरं वास्तव लपवलं जातं.
ही बाब समाजाला आरसा दाखवणारी आहे.
अशा कृतीतून आपण आदर्श शोधणार की आडवळणाचा प्रसिद्धीमार्ग? हे ठरवणं आता समाजाच्या सजगतेवर अवलंबून आहे.

👉 अजून असे लेख वाचण्यासाठी आमचा ब्लॉग follow करा” 👉 मग तो देव काय कामाचा ? हे पण वाचा click here

चड्डी शिवणारे-मरणोत्तर दिखावे! गजानन खंदारे वाचा

लेखनासाठी खास निमंत्रण

“कामाच्या-गोष्टी” या प्लॅटफॉर्मवर आम्ही धार्मिक, सामाजिक, राजकीय व समकालीन विषयांवर वैचारिक लेख प्रकाशित करतो.आपण लेखक, विचारवंत, अभ्यासक असाल आणि आपले विचार समाजापर्यंत पोहोचवू इच्छित असाल, तर आम्ही आपले मनापासून स्वागत करतो.लेखनासाठी सहभाग घ्यायचा असल्यास, कृपया कॉमेंट बॉक्समध्ये आपले नाव, व्हॉट्सॲप क्रमांक किंवा ई-मेल आयडी लिहा.
आम्ही लवकरच आपल्याशी संपर्क करू.

 चला, विचारांची चळवळ एकत्र उभी करूया!
– कामाच्या-गोष्टी वर चर्चा करू या !

सूचना / Disclaimer:
शेतीमाती, कामाच्या गोष्टी आणि मराठा लग्न अक्षदा या सामाजिक प्लॅटफॉर्म्सवर प्रसिद्ध होणारे लेख, विचार, विश्लेषण व मजकूर हे संबंधित लेखकांच्या वैयक्तिक अभ्यास, वाचन, निरीक्षण, आकलन आणि सामाजिक जाणिवांच्या आधारे मांडलेले असतात.
हे विचार कोणत्याही व्यक्ती, संस्था किंवा गटाविरुद्ध द्वेष पसरविण्याचा हेतू ठेवून मांडलेले नसून, समाजप्रबोधन व चर्चेला चालना देणे हाच प्रमुख उद्देश आहे.
येथील मजकूर कोणत्याही वादास कारणीभूत ठरू नये, हीच विनंती.
या प्लॅटफॉर्मचा उद्देश सामाजिक जाणीवा समृद्ध करणे व लोकशाही संवादाला प्रोत्साहन देणे आहे. ,,

Disclaimer:
The content, opinions, and articles published on the platforms Sheti-Mati, Kamachya Goshti, and Maratha Lagna Akshada reflect the personal understanding, observations, research, and social awareness of individual writers.
These expressions are not intended to defame or provoke any individual, group, or organization but aim to foster social consciousness and constructive discussion.
The platforms shall not be held responsible for any controversy arising out of