धर्माचं नाव घेतलं की काही लोकांना उगाच राष्ट्रवाद आठवायला लागतो.-
खरं तर “राजकारणाला” मनासारखा आकार द्यायचा असेल तर धर्म जागवणं हेच सर्वोत्तम “साधन ” असतं —
“राजकारणाच्या” सोयीसाठी राष्ट्रवादासोबत धर्म जागवणंही अनिवार्य असतंच!
आणि हा धर्म जिवंत ठेवण्यासाठी ज्यांनी आपली हाडांची काडं करून, योगदान दिलं—त्यांचे योगदान लक्षात घेतलेच पाहिजे.
मात्र समाजात काही मूठभर लोकं असे आहेत—की,ज्यांना धर्म दिसला की उगाच पोटात दुखते. संभ्रम निर्माण करण्यासाठी हे लोकं मुद्दाम धडपड करतात.
‘फेटा खाली ठेवणार’ अशी भावनिक साद घालून सुद्धा या लोकांनी धंदेवाईक सोंगाड्याचं नवं नाटक महाराष्ट्राभर उभं केलंच!…नाशिकचा महा -कुंभमेळा माध्यमांवर काय झळकला की लगेच यांची आवई सुरु…
कारण सरकारी निर्णयांनी वातावरण तापलं म्हणून नव्हे—तर या काही समाजधुरीणांच्या अहंकाराला गुदगुल्या झाल्या म्हणून.
आता “तपोवन” म्हणजे साक्षात ‘तपाचं वन’.
-बाबाच्या सोई साठी आमच्या आयुक्तानी चार दोन झाडांना फुल्या काय मारल्या की,
त्या तपोवनातील झाडांच्या “खुणाची’ बातमी लगेच बाहेर आली,
काही लोकांचे प्रेम लगेच जागी झालं.
काही महिला-मुलींनी तर थेट पन्नास वर्षांपूर्वीच्या “चिपको” आंदोलनाची आठवण करून सरकारला एक प्रकारे धमकीच दिली.
अरे पण आयुक्त बिच्चारे सरकारी नोकर … आणि आपण सगळे धर्माचे!
तेव्हा साधूंसाठी झाडावर खुणा केल्या तर असे कोणते आभाळ फाटणार होते!
त्या बदल्यात कितीतरी झाडे लावताच आली असती ना?
धर्मासाठी अनेकांनी बलिदान दिले तिथे थोडा पर्यावरणाचा ‘त्याग’ झाला म्हणुन हा डांगोरा कशाला?
सोईच्या राजकारणासाठी धर्माच्या भावना सतत तापलेल्या असाव्या लागतात.
समाजाची विचारशक्ती आणि क्रयशक्ती संपवायची असेल तर असे कार्यक्रम, मेळे, उत्सव, सोंगे, भोंगे ई … हेच सर्वोत्तम शस्त्र आहे हे यापुर्वी अनेक वेळा सिद्ध झाले!
म्हणून एखाद्या मेळ्यासाठी थोडी झाडं पडली, तरी त्यापेक्षा भावना जपणे महत्वाचे असते?
धर्म जागवणे हेच सर्वश्रेष्ठ कर्तव्य!
https://www.youtube.com/channel/UCucZ3jOcFfV_8ntTahdbraw/join
“आली सिंहस्थ पर्वणी…”
तुकाराम महाराज म्हणालेत. ते उगाच नाही.
आता पर्वणी ही अभवानेच येत असते. महाराजांनी अभंगात पुढे काय लिहले याची चिकित्सा करायला सध्याच्या धावपळीत वेळ कुणाकडे आहे.
पर्वणी का आली, कशासाठी आली, काय लाभ, काय तोटा—यावर रिकामी चर्चा कशाला? .
उलट आम्ही महाराष्ट्रीयन लोकांनी स्वतःबद्दल अभिमान बाळगला पाहिजे, की आपल्या सरकारने प्रयागराज पेक्षा खर्चाचे बजेट मोठे केले.
‘तीर्थी धोंडा पाणी, देव रोकडा..’— “रोकडा ” शब्दावर थोडा जोर दिला की,किती सोप्पा अर्थ आहे या अभंगाचा..
!
मग शाळेत विद्यार्थीच नसतील तर मास्तरांना फुकट पगार देण्यापेक्षा शाळा बंद करून काही पैसा इकडे तिकडे गुंतवला तर काही लोकांनी बोंब मारायची गरज नसावी!
पण
या काही लोकांना हा “धर्माभिमान” समजावून सांगणार तरी कोण?
आपल्या प्रतिक्रिया नक्कीच लिहा
✍🏼 गजानन खंदारे रिसोड
लेखक हे समाजातील विसंगती, धार्मिक व्यावसायिकीकरण, प्रशासनातील विरोधाभास आणि साध्या माणसाच्या जिव्हाळ्याच्या प्रश्नांवर धारदार लेखन ही त्यांची ओळख आहे.त्यांचे लिखाण हे नेहमी साध्या भाषेत, थेटपणे आणि वाचकांच्या अंतर्मनाला भिडणारे असते.
सूचना ✍🏼
लेखातील भाषा ही सटायर, सामाजिक भाष्य आणि वैचारिक टीका या शैलीत आहे, जी भारतीय संविधानातील अभिव्यक्ती स्वातंत्र्याच्या हक्काखाली येते.
लेखातील सर्व संदर्भ हे सामान्य सामाजिक प्रवृत्ती, सार्वजनिक मुद्दे, सरकारी धोरणे आणि माध्यमांतून चर्चेत आलेल्या घटनांवर आधारित आहेत.
यातील कोणतीही टिप्पणी कोणत्याही विशिष्ट व्यक्तीस उद्देशून नाही.
वाचकांनी हा मजकूर समाजातील दृष्टिकोन, उपरोध आणि वास्तव यांवरची वैचारिक मांडणी म्हणून घ्यावा.
चंगली